ثقافة وفنون

خاص بوابة الأهرام.. أميرة سيد مكاوي تبعث رسالة مفتوحة لوالدها في ذكراه

21-4-2021 | 23:21

الفنان الراحل سيد مكاوي

مصطفى طاهر

خصت السيدة أميرة سيد مكاوي، "بوابة الأهرام" بحديث خاص تهديهه إلى روح والدها الفنان الكبير سيد مكاوي، في ذكرى رحيله التي توافق اليوم ٢١ إبريل.


وقالت أميرة سيد مكاوي لبوابة الأهرام: "النهاردة ٢١ إبريل.. ٢٤ سنة على غياب سيد مكاوي، غائب بجسدك وحاضر في كل شيء".

وأضافت في رسالتها المفتوحة لروح والدها: "أنا غير كل الخلق ما بعرفش احتفل بذكراك، يمكن لأنه يوم صعب وبيفكرني بآخر نفس ليك وانت جانبى، لكن السنة دي عايزة أقولك إنك زي ما كنت سبب في سعادة كل إللي عرفك، إنت لسه سبب في سعادة ناس كتير، ناس كتير بتحبك وبتدعيلك، ولسه لما بتيجي سيرتك لازم الابتسام يكون موجود، اطمئن سيرتك خير وجمال وبهجة ومليانة طيبة، وأنا راسي مرفوعة بسببك، ومحبتك في قلوب الناس مغرقاني، ربنا يسعدك عنده أضعاف أضعاف حنانك وبهجتك، غيابك فرق في عمري كتير يا بابا، بيقولولي تعيشي وتفتكري، وبالرغم من إني عايشة وفاكرة لكن وحشتني، وبأتمنى كل لحظة لو كنت موجود، كانت حاجات كتير جدًا حالها غير الحال، بس إنت عندى الأحن والأعظم والأجمل والأرقى، ربنا يديم سيرتك الطيبة".

وطلبت أميرة سيد مكاوي من كل محبي الفنان الكبير الدعاء له في ذكراه.


أميرة سيد مكاوي تبعث رسالة مفتوحة لوالدها في ذكراه

مواقيت الصلاة

اسعار العملات

درجات الحرارة