منوعات

الحلو إية النهاردة... كنافة نابلسية

15-4-2021 | 14:41

كنافة نابلسية

دينا المراغي

انتشرت الكنافة النابلسية في مصر بعد توافد السوريين إليها، وبدأوا في مشاريعهم المختلفة من محال أطعمة وحلويات.. وكان من أكثرها شهرة "النابلسية" التي يضعوها على الفحم لتسويتها أو بداخل الفرن...

المقادير:
250 جرام كنافة
250 جرام جبنة عكاوي أو موتزاريللا
نصف كوب سمنة مذابة
معلقتين كبار سكر بودرة

طريقة التحضير :

اول حاجة لو هنعملها بالجبنة العكاوي لازم ننقع الجبنة ساعتين في مياه فاترة عشان ننزع منها الملح اللي فيها وبعدين نصفيها كويس.

نفرم الكنافة في الكبة ونخليها زي البودرة أو نقطعها بايدينا قطع صغيرة جدا ونضيف عليها معلقتين السكر والسمنة ونقلبها كويس.

نجهز صينية و ندهنها سمنة و ننزل بنصف كميه الكنافة ونضغط عليها ونساويها ونفرد فوقها الجبنة العكاوي أو الموتزاريلا بالتساوي ونضيف باقي كمية الكنافة ونكبسها بإيدينا.

ندخلها فرن مسخن على درجة حرارة متوسطة لمدة ربع ساعة لحد ما الأطراف تحمر نشغل الشواية عليها خمس دقايق لحد ما لونها يبقا ذهبي.

نسقيها وهي "سخنة" بشربات تقيل بارد وممكن نزينها بالفستق أو المكسرات المفضلة حسب الرغبة.

مواقيت الصلاة

اسعار العملات

درجات الحرارة