كشف نجم النادي الأهلي محمد مجدي «أفشة»، أن أصعب اللحظات التي مرت عليه بالأمس هي كرة «زيزو» في العارضة، قائلاً: «الكورة دي لو جت كانت هتبقى صعبة في توقيت صعب جدًا، وقبلها حسين الشحات».
موضوعات مقترحة
وقال «أفشة»، في برنامج «كلمة أخيرة»، على شاشة «ON»، إنه أول مرة له يقوم بخلع التيشيرت الخاص به، مضيفا «مشاعري كانت كبيرة وأول مرة أقلع التيشيرت ومش مهم وقتها أخد إنذار أو طرد حتى أهم حاجة أخدت البطولة ورغم أني مش بحب اققلع التيشيرت».
وواصل: «كنت بفكر في الوقت الاضافي.. بس إحنا كنا مهيئين نفسنا لكل حاجة بدنيا، وطول الوقت في المعسكر يوميا بندرب على البلانتيات».
وحول تأثير هدف شيكابالا عليه، قال: «أكيد إتضايقت ماحبش يخش فيا جون، وكان جون حلو لأن شيكابالا، لاعب كبير ماحدش يختلف عليه».
وعن أسباب حصوله على لقب رجل المباراة، قال: «عشان الجون اللي جبته لكن أنا في الشوط الأول مكنتش زي ماتش الوداد، وأكتر واحد يحس بنفسه أنا، واللي يقلي أنت حلو أو وحش أنا ببقى عارف نفسي أكتر».