كشفت الفنانة ياسمين صبري عن أعمالها الفترة الحالية التي تعكف عليها.
موضوعات مقترحة
وقالت صبري في لقاء مع الإعلامية لميس الحديدي في سهرة خاصة بمناسبة افتتاح مهرجان الجونة السينمائي في نسخته الرابعة والمذاع على شاشة "ON" قائلة: "بقرأ ورق لمسلسل بس لسه مش لاقية حاجة عجباني.
مضيفة: "أنا بحاول أتعلم من أخطائي وأعمل حاجة مختلفة عشان كده بنتظر العمل المناسب".
واستطردت قائلة: "كل حد بيبقى ليه أخطاء وأنا لسة في البداية وطول ما أنا في السكة بتعلم من الأخطاء كل حاجة بعملها بقيمها وبشوف عيوبها عشان أتلافاها".
وتابعت قائلة: "المفروض كل إنسان ياخد تقديره في عينه بنفسه مش من تقييم الناس ممكن الإنسان يتأثر بتقييم آخرين ولازم نشتغل على نفسنا".
وكشفت صبري أنها شرعت في دراسة تطوير الذات منذ خمس سنوات وتـاثرت جداً بالموضوع مما دفعها لدراسة علم "السيكولوجي" وهو علم ذات صلة بما سبقة وتابعت قائلة: "بعد كده انتقلت للدراسة الرسمية للمجال الذي أهتم بها".
وأشارت إلى أنها تدرس علم النفس في جامعة «هارفارد» للحصول على الماجستير، مضيفة أنها تحضر الرسالة عن طريق الإنترنت دون الذهاب إلى الجامعة بسبب فيروس كورونا.
وتابعت قائلة: قبل الدراسة اتجوزت لأن الحياة الشخصية بتحقق التوازن للشخص حتى لو كان ناجحًا في حياته العملية وده جزء مهم".
وقالت إن زواجها حقق لها التوازن في جزء كبير من الحياة، مشيرة إلى أن زوجها رجل الأعمال أبو هشيمة كان سبباً في هذا التوازن وتابعت قائلة أحمد حققلي ده جدًا لأنه لايق عليا جداً وشخص طموح وفيه حاجات كتيرة شبهي.
مضيفة: "أحمد فيه حاجات كتيرة عنده مش عندي على سبيل المثال أنا شخصية منغلقة أوي هو شخص بيعرف الدنيا كلها وده كمان توازن".
واستطردت صبري قائلة: "أنا منغلقة علي نفسي يعني لا يوجد لدي أصحاب كتير ولا شلل معينة بخرج معاها حتى الأماكن مافيش مكان معين بروحه دائرتي صغيرة جدًا ومقفولة".