نشرت الفنانة داليا مصطفي مقطع فيديو، عبر حسابها الخاص بفيسبوك، عبرت خلاله عن استيائها بعد تعرضها للتنمر من بعض متابعيها، بعدما نشرت صورة اليوم لـ"ميدان العتبة"، عبر حسابها، طالبت من خلاله الشرطة بفض التجمعات لمواجهة الإصابة بفيروس كورونا.
موضوعات مقترحة
وعلقت الفنانة داليا مصطفى على الفيديو :"كفاية تنمر ارحمونا إحنا مش ناقصين".
وظهرت خلال الفيديو قائلة: "الموضوع إن أنا نزلت صورة، وكانت في ميدان العتبة، أنا بس كل اللي بقوله إحنا ضد التنمر، وإحنا دلوقتي بنتنمر بشكل غير طبيعي، وبالذات على الممثلين".
وأضافت داليا: "أنا رفضت أقول أي نصائح طبية بخصوص كورونا، وأطلع أقول نعمل كدا أو ما نعملش كدا أنا ماليش دعوة، أنا مش دكتورة، بس اللي بتكلم فيه إن لما نزلت صورة لميدان العتبة، شكرا للشرطة وإحنا لازم نساعد الناس دي، ولازم يبقى فيه تصرف سريع، بس لقيت ناس بتقول أنتي أصلك مش زيهم، ومش بتقبضي اليوم بيومه، بس أنا على فكرة تعبت أوي في شغلي وطلع روحي، ومشيت كتير من مسرح جلال الشرقاوي لحد البيت عشان ما كنش معايا فلوس، قعدت كتير أوي مكنتش باكل في المعهد عشان مش معايا فلوس، فاحنا طلع روحنا بجد".
وتابعت: "أنا خايفة لأن أبويا عنده مرض مزمن، وأعرف ناس كتيرة أوي عندها أمراض مزمنة، والموضوع صعب صعب جدا".
تعبت من التنمر الغريب والغير مفهوم ضد الممثلين