قالت الفنانة نادية لطفي، إنها قالت عن الفنان زكى فطين منذ مشاهدته "ده هيبقى ممثل هائل"، كما أن والده كان محبوبا من مصر كلها، "كان برنس الأخلاق والعطاء، وكمان والدته كانت ليلى مراد اللي صوتها حتة من السماء"، موضحة أن شقيق زكى أبلغها بإصابته بالسرطان.
موضوعات مقترحة
وأردفت: "المحن كلها متساوية، التعب واحد بس الأطباء اللي بتصنف الأمراض، والله الناس كلها بتحبه وهيقوم بالسلامة، ده كان عجبني كممثل له حضور، وكمان مبسوطة وسعيدة إنه هيتشغل مع السقا في فيلم العنكبوت"، موضحة أن زكي لا يهاب من السرطان، حيث كان يتحدث عن الدعاية المستمرة لمستشفى السرطان.
وأضافت، خلال مداخلة هاتفية مع الإعلامى وائل الإبراشى، ببرنامج كل يوم، المذاع عبر فضائية on e، إنها أعُجبت بشخصية زكي فطين عبد الوهاب أثناء التمثيل دون أن تّعرف أنه نجل فطين عبدالوهاب، أو ابن الفنانة ليلى مراد، حيث كان مُلفتًا للنظر جدًا من أدائه الجيد أثناء التمثيل، "ده بقى عنيا وقلبي ومرضه بالسرطان وعكة وهتعدي إن شاء الله"، على حد قولها.
واستطردت : "ده وارث قوة الروح بتاعة أبوه وأمه ولازم يُدرس، فيه ناس كتير بتحب زكي عبدالوهاب مش عشان أبوه فطين عبد الوهاب ولا عشان أمه ليلى مراد، فيه ناس بيحبوه لشخصه، والله العظيم الدكتور في المستشفى اللي أنا فيها بيسأل عليه كأنه ابنه، بإذن الله وعكة وهتعدي.. إنت عنيا وقلبي يا زكي".