علّقت الإعلامية دعاء فاروق، على اعتراف الفنان أحمد السعدني بالتقصير تجاه طليقته وأم أولاده، أمل سليمان، منتقدة عبر حسابها على "فيسبوك" ما وصفته بـ"شماتة" العديد من السيدات في أحمد السعدني، بسبب اعترافه بندمه على ما فعله تجاه أم أولاده.
موضوعات مقترحة
وقالت: "أحمد السعدني مش عامل بوست عشان الستات تشمت فيه على فكرة هو عامل بوست عشان عديمي المسئولية يتعظوا من الحدث الجلل اللي هو مر بيه وهو بيعترف إنه غلطان وندمان".
وأضافت: "الستات بقى اللى بيعلقوا شمتانين وبيقولوا مش مسامحينك ومش مصدقينك وجو شماتة كده مش فاهمة هي منها ليها بتثبت فيه إيه وعاوزة إيه؟!، الراجل في مصيبة سودا وفي غم وفي غلب.. عياله اتلطموا يا عيني.. اللي أبوه بيموت اسمه يتيم واللي أمه بتموت اسمه لطيم.. مفيش أسوأ من اللي هو فيه".
واختتمت المنشور قائلة: "تعليقاتكم سخيفة وملهاش لازمة... فياريت تحتفظوا بالغل ده للناس اللي أذوكم.. مش للراجل المكلوم في وفاة أم ولاده".