هاجم أيمن لطفى الشهير بـ "بيجامة"، المرشح المستقل عن دائرة بندر ومركز دمياط، عددا من مرشحى الدائرة عبر بيان استخدم فيه الأحرف الأولى من أسماء المرشحين المقصودين بالهجوم، وقد بدأ لطفى بيانه، بأنه لن يتكلم عن برنامجه، لأن الناخبين قد حفظوه، ولكنه سوف يتكلم عن المنافقين والأفاقين والضلالية.
موضوعات مقترحة
بدا البيان بالمرشح. م.م. ساخرا "أنت كنت بتقول إنك هتعيش مستقل وهتموت مستقل دلوقتى بقى هتعيش مستقل وهتموت زمهلاوى، وخلى بالك انت ماخدمتش حد خالص ولا حتى بتعرف تتكلم كلمتين على بعض، عارف ليه لأنك شبه بتوع فيتنام الخونة، وقبضت من أجريوم علشان كده أنت طلعت .م.م.م وكمان وظفت ابنك فى أجريوم بـ3500 دولار، وجايب عربيتين عيون وعندك قطعتان أرض فى التجمع الخامس "القاهرة الجديدة " بخمسة ملايين جنيه وده خلاف المستخبى".
عن المرشح .س.ي . كتب يابنى الناس كرهتك ومحدش عاوز يشوف وشك، دا أنت أول ظهور لك فى السينما اتكلمت عن "هانش" دين، وربنا ينتقم منك لأنك ماخدمتش حد وكمان قبضت من أجريوم.
وعن المرشح .ص.ق .قال أنت مصور اللحمة ومصور الطماطم ومصور عسكرى المرور وهو بياخد رشوة، ياسلام عليك انت بقه اللى هترخص الطماطم ونرخص اللحمة؟ عايز الناس تثور ..محدش هيثور، وانتم قلتم مش داخلين ايه اللى دخلكم يبقى ده كذب والكذب حرام.
وعن المرشح .ع.ن. إبن سبانخ نازل وبيقول هيتبرع بثروته. أهلا طب ماهية الناس عارفه الثروة جاية منين؟.
وعن المرشح .ن.ن أنت مابتفهمشى فى السياسة ولا عمرك خدمت حد، أنت متعرفشى إلا تسوق البلطجة على زمايلك.
اختتم أيمن لطفى بيانه باسم مدير حملته عادل الجحر تاجر الموبيليا المستعملة بالسنانية ورقم تليفونه، ثم وجه ملحوظة للدمايطة قائلا، يادمايطة اللى يخش القهوة، ويبتسم ابتسامة بريئة عشان يتسول الأصوات، قفوا رجلا وحدا واضربوه بالجزم.
جدير بالذكر أن أيمن لطفى يعمل سمسار موبيليا، ويرشح نفسه دائما فى كل انتخابات، ويصدر بيانات يهاجم فيها المرشحين بطريقة ساخرة وفاضحة، وينتظر الشارع الدمياطى بياناته ويحفظها الناس عن ظهر قلب.