شهدت مدرسة الفردوس التجريبية المتميزة، في مدينة المنصورة، بمحافظة الدقهلية، اليوم الخميس، واقعة غريبة أثناء إجراء محاولة إخلاء لمحاكاة حدوث حريق بين طلاب الصفين الرابع والخامس، ورش المادة التي يتم الإطفاء بها في وجوه التلاميذ مما أدي لاختناقهم وإصابة العديد منهم بحالات إغماء.
موضوعات مقترحة
وأكد أولياء الأمور أن المدرسة لم تتصل بهم لإبلاغهم عن الواقعة أو حالة أبنائهم بعد الواقعة، فقالت داليا أنور "أولادي في رابعة وخامسة النهاردة كان عندهم تجربة عن كيفية التعامل مع الحريق جالهم لجنة من الحماية المدنية عشان التجربة وفتحوا طفاية الحريق في وش العيال، طبعًا مش أولادي لوحدهم دي رابعة كلها وخامسة كلها العيال جالهم اختناق وإغماء ورجعوا دم ونزلوا دم من مناخيرهم وأزرقوا ابني كان هيموت وقطع النفس تمامًا ولحقوه عند الدكتور في المدرسة وأخد حقنة عشان يفوق".
إيناس الحسيني علقت على الواقعة التي نشرتها إحدى أولياء الأمور قائلة "فعلاً بنتي جاية من المدرسة تعبانة جدًا ومدروخة ومناخيرها مقفولة، هما كانوا عملوها قبل كده معها وهى في كي جي ومع بنتي الكبيرة ومحصلهمش كده مش عارفة إيه اللى حصل وبنتي فعلا قالت إن فيه ولاد أغمى عليهم".
وأكدت أماني إبراهيم الواقعة "بنتي قالت نفس الكلام أول ما دخلت من المدرسة قالت لي كنت هموت يا ماما تخيلوا بقى لما طفلة تقول لمامتها كلمه زي دي، وفضل كل الأطفال يصرخوا في الكلاس ويقولوا مش عرفين نتنفس يعني ينفع كده".
أشرف ريحان من أولياء الأمور قال "يوسف ابني مرجع دم ولحد دلوقتي مخنوق حماية مدنية إيه الولاد كانوا رايحين مننا".