"الجواز مش شبكة.. والشبكة مش بس دبلتين.. لكن الجواز مسؤلية كبيرة يقتسمها الزوجين.. مش هنقول إن مفيش تكاليف مادية كبيرة.. وإنها تسببت في زيادة نسبة العنوسة.. لكن مش هأقول غير مش معايا غير دبلتين: تتجوزيني؟"
تلك المقدمة تمثل خلاصة فكرة "جروب"، "مش معايا غير دبلتين تتجوزينى.. الحملة القومية لإلغاء الشبكة" الذى أنشأه مجموعة من الشباب على موقع التواصل الاجتماعى "فيسبوك" لإلغاء "الشبكة" وذلك بهدف تقليل تكاليف الزواج.
مش معايا غير دبلتين تتجوزيني طالب الشباب بتسهيل الزواج بدون تعقيدات شكلية كالـ"الشبكة، والتكاليف الباهظه في الفرح"، ودعوا إلى أن تذهب التكاليف الباهظة لشراء الاحتياجات الأساسية للزوجين في "عش الزوجية"، وقال مسئول الصفحة التي يتزايد عدد المعجبين بها بشكل ملحوظ، حيث تقارب عددهم الـ 28 ألف "فيسبوكي" خلال أيام قليلة، بأن تكون الشبكة دبلتين وتوينز وخاتم أو دبلتين ومحبس.. ولو مفيش يبقى فضة..أو تدخل على الصيني".
وعلى الرغم من أن الحملة لاقت إقبالا كبيرًا من الشباب، إلا أن بعضهم عارض الفكرة، وقالت أميرة يوسف: "في الحقيقة الرجل لا يدفع شيئا فى الجواز، الشقة كدا كدا باسمه، والمهر إن دفعه بيأخذه تاني وكمان العفش فى بيته، أما المؤخر.. لا أحسن المأذون هياخد فلوس".
وقالت كريمة محمد: "أما الفستان فالعريس يقولك قومي بتأجيره، ووفرى للعريس.. والشبكة الحاجة الوحيدة اللى قدمها ليها، ممكن يبيعها فى الزنقته.. كمان عاوزين تلغوها".
أما سومة الإعلامية قالت: "هي ممكن تكون دبلتين وخاتم إنما فضه دي بصراحه صعبه أووووي.. ومش تتلغي كلها.. ولكن ممكن يكتفوا بالدبلتين والخاتم فى ظل الظروف الصعبه".
مش معايا غير دبلتين تتجوزيني ودفاعا عن الحملة وفي ظل ارتفاع أسعار الذهب قالت سومة "ممكن نتنازل بس التنازل هيكون قصاد أنه إنسان محترم ويراعى ربنا فينا وممكن ساعتها نستغنى عن الشبكه".
ورد أحمد شهاب، وقال "هو دا الكلام يا بنااااااااااااااااااااات فيه أمل إن الواحد يتجوز أهو.. وعظيم بيمين اللي عمل الصفحة دي برنس ... والله الحكاية مابقتش جواز دي بقت بيع وشراء .. تحس إنك رايح تشتري عربية مش تتجوز .. مهر مش عارف بكام ألف جنيه .. وشبكة مش عارف بكام .. وشقة مش عارف بكام ... انا لو أبو تريكة مش هعرف اجيب كل ده".
فيما قالت إنجي السيد : "بالنسبة للناس اللي عايزة تلغي الصيني...طيب هناكل و نأكل الناس في إيه...في الأطباق البلاستيك و الملامين؟..و بعدين حرام بقي إنتو طالبين إلغاء الشبكة بس و أنا بدأت ألاحظ إلغاء حاجات كتير حتي الدبلتين! يا حسرة قلبك يا ماما..و دلوقتي مبقاش فيه مهر لأن العريس و العروسة بقو يتقاسمو تجهيز الشقة".
أما أحمد سو قال "الشبكة تدمر الصحة وتسبب الوفاة.. وبترفع الضغط وتجيب سكر
حافظي على عريسك يا بنيه".
وقالت نور الإيمان "أكتر حاجة تخلي الواحد يموت على نفسه من الضحك أما بنت تتجوز واحد أكبر منها..والسبب إن جيبه مليااااااااااااااااان وهيدفع.. وتيجي تفشر قدام صحباتها وتحاول تقنعهم إن مفيش أحلى من إللي معاه فلوس".
وقالت مها "تعملي إيه لو حصل معاكي الموقف دا..جالك عريس..ووافقتي بالدبلتين..واتحدد ميعاد الفرح..ونتفق على الجهاز والادوات الكهربائية..وتيجي أم العريس وتقدم الميعاد..وتكوني مش جاهزة..وتقولك أنا هأجيبلك كل حاجة ولا تشيلي هم، وتكوني في غاية الخجل..وتخرج معاكي تختارلك الجهاز..وتكوني من كثرة الخجل مش قادرة تختاري لأنك متصورة إنها اللي هتدفع...وفي النهاية حماتك تقولك..متنسيش تجيبي ورق يثبت إنك موظفة ويحدد راتبك علشان تسددي قسط الجهاز".
مش معايا غير دبلتين تتجوزيني وعلقت مي عزت وقالت، ماكنتي تروحي إنتي وتختاري براحتك مدام إنك كدا كدا إنتي اللي هتدفعي الفلوس، ولا هو كان المكان بعيد عليكي.
وقالت إنجي أحمد، "أنا خايفه بعد ما تلغوا الشبكه تفكروا تلغوا حاجات غيرها أو تخلوا كل حاجه على العروسه بحجة تقليل نسبة العنوسة".
رابط الصفحة على الـ"فيسبوك" http://www.facebook.com/no.shabkah