[x]

ثقافة وفنون

منى زكي عن تكريمها في «القاهرة السينمائي»: شرف ليا أتكرم باسم فاتن حمامة ومع وحيد حامد

2-12-2020 | 20:43

منى زكي

سارة نعمة الله

"شرف كبير ليا إن الجائزة تكون باسم سيدة الشاشة فاتن حمامة ، وكمان أني أتكرم في نفس دورة الأستاذ وحيد حامد شرف أكبر".. بهذه الكلمات صرحت منى زكي عن إعتزازها الكبير بتكريمها الليلة ضمن حفل افتتاح مهرجان القاهرة السينمائي ، عبر لقاءها على شاشة دي أم سي.


وأضافت زكي في تصريحاتها «كل الناس عارفة مين هو وحيد حامد ، الذي تربينا على شغله منذ صغرنا، ودائما منذ طفولتي كنت أفتكر كلمة الأستاذ عادل إمام في فيلم "اللعب مع الكبار" وهو بيقول "هحلم..هحلم" وهذا كان يمنحني أمل أني لازم أحلم،وكان لي الشرف أن أعمل معه خلال رحلتي الفنية.

واستكملت: «كنت بشتغل زمان في الهناجر بالمسرح التجريبي، وكنت بعدي أمام المسرح الكبير وأقول لنفسي ياترى هقدر أقف ع خشبة المسرح ده ، والحقيقة ده رسالة أن الواحد أما بيحدد هدف ويشتغل على نفسه بيقدر يحققه».

وعن الجوائز ودعم زوجها لها، تضيف: "الجوايز بتخوفني جدا، مش عارفة اكتب حاجة وكل اللي جوايا تساؤلات وقلق من القادم، أما أحمد حلمي قالي تستحقيها وكان مبسوط جدا، والحقيقة هو مبيخرجش بسبب كورونا، لكن حضر النهاردة وأحلى حاجة أنه يكون معايا، ومعايا بنتي لأول مرة ومبسوطة أنها جت فاللحظة دي».

ومن المقرر أن تكرم منى زكي بعد قليل في افتتاح مهرجان القاهرة السينمائي .

الاكثر قراءة

مواقيت الصلاة

اسعار العملات

درجات الحرارة