أحمد السعدني يشارك في ترند "ذكريات الثانوية العامة": الوقفة بره مش بتفرق يا والدتي

22-6-2020 | 04:35

أحمد السعدني

 

مي عبدالله

شارك الفنان أحمد السعدني في ترند ذكريات الثانوية العامة ، والذي تزامن ظهوره بموسم الامتحانات الذي انطلق أمس .


وكتب أحمد عبر حسابه الشخصي على موقع فيسوبك : "أول يوم امتحان ثانوية عامة كان لغة عربية الساعة ٩ صباحاً مدرسة جمال عبد الناصر .. صحيت ٩ إلا خمسة في بيتنا أحمد عرابي المهندسين على أمي بتنفضني على السرير زي ما بتنفض السجادة في الشباك.. نزلت بالبيجاما تقريباً ونزلت معايا ومحضرالي سندوتشات ..وصلنا المدرسه ٩ وربع لقينا البوابة مقفولة أمي شبكتلي ونطيت من فوق السور على صوت بتاع الأمن بينده عندك يا ابني".

و اكمل السعدني الموقف قائلا :"عليا سبرنت مو صلاح أو على أيامها ياسر ريان (الجناح الطائر) جري في المدرسة كلها بتوه بتاع الأمن زي مطاردات سلام يا صاحبي.. وصلت اللجنة وبوست ايادي عشان يدخلوني و امتحن و بعد الامتحان وقفنا عند كشك قدام المدرسة بنسمع شريط عمرو دياب كان لسه نازل أغنية مش هضعف.. وروحت أمي كانت عاملالي بطاطس محمرة كلتها ونمت ..أمي موققتش عند المدرسة تستناني والحمدلله نجحت بتفوق يعني الوقفة بره مش بتفرق يا والدي ويا والدتي روحوا البيت وادعوا من قلبكوا وإن شاء الله أبنائكم هيتفوقوا زيي ويجيبوا ٢٥/٥٠


بوست السعدني

مادة إعلانية

[x]