معركة الثانوية العامة وعودة الدوري مع أسامة كمال | فيديو

3-6-2020 | 13:57

الإعلامي أسامة كمال

 

تساءل الإعلامي أسامة كمال في حلقته اليوم من برنامج "مع أسامة كمال"، عن حالة الشد والجذاب بين أولياء أمور طلاب الثانوية العامة والشهادات الجامعية، ومشجعي كرة القدم بشأن عودة الدوري قائلا "لا عايز أبدأ من سؤال، ليه كل حاجة في مصر خناقة؟ ليه كل موضوع فيه طرفين متناحرين؟ لو ايديتكم أمثلة هبقى بضيع وقتكم لأن كل واحد عارف بدل المثال 20، فنسأل نفسنا وخصوصا في خلاف الرأي مع الحكومة".


وأضاف "هل احنا سايقين فيها؟ وللا الحكومة متعنتة؟ ونسأل الحكومة، هل انتي مش شايفة إن إشراك الناس في القرارات، وخصوصا القرارات اللي بيتم التجهيز ليها في وقت مش قليل، ناخد الرأي، نستطلع، نفتح حوار بشكل من الأشكال.. مش بتكلم في القرارات العاجلة، لأ القرارات المستريحة في الوقت".

وعلق علي التصريحات المتضاربة بخصوص عودة الدوري المصري قائلا "التواصل بين أصحاب اللعبة كلهم لازم يحصل ويتوافقوا ويرفعوا رأيهم للدولة اللي في النهاية هتقول في كورة أو مافيش، بس كدة".

وعن امتحانات الثانوية والشهادات الجامعية معلقا "لو امتحانات الثانوية اتلغت، هل معقول الولاد يدخلوا الجامعة بناء على بحث أو امتحان أون لاين؟ أكيد لأ، لأن في الامتحانات اللي ما تأثرش الولاد ماعملوش البحث ولا الامتحان أون لاين، المامهات هم اللي عملوا وأرجوك ماتقوليش ما حصلش عشان هو حصل، في كل أنواع المدارس، العادي والهاي لايف، إلا من رحم ربي وسمعتوا موضوع مامة منى طلعت الأولى ومامة رشا التانية ومامة يوسف التالتة والكلام ده".

"هل قلنا اللي عنده اقتراح عشان السنة ماتضيعش ع الولاد والامتحان يبقى عادل للكل فندرسه وناخد بيه؟ ولا حد طلع بحل معقول ولا حد طلب الحل ولا حد اتشاور لكن الكل اتخانق مع الكل..".

وأضاف: د. خالد عبد الغفار وزير التعليم العالي والبحث العلمي متوقع أننا نسجل 30 ألف حالة بكرة أو بعده، و 40 ألف حالة من يوم 10 لـ 13 يونيو ونوه لأن السبب هو إجازة العيد، طب والامتحانات يا معالي الوزير؟.

وأضاف "وزارتين التعليم أكيد بيعملوا الصالح العام وأكيد مش متعنتين، والطلبة أكيد خايفين ومش مطنشين، بس أكيد في حتة يتقابلوا حواليها، زي مثلا هتتعمل أماكن مغطاة في مساحات واسعة، وفيه مسموحات ما كانتش موجودة وممنوعات كانت مسموحة".

ويسعي الإعلامي أسامة كمال من خلال برنامجه فرز العديد من الأخبار بعيدا عن التهويل والتهوين..لتضع المشاهد والمتابع في إطار صورة واقعية وحقيقية ويذاع البرنامج يومي الأحد الأربعاء الساعة 12.30 ظهرا.


[x]