نادية الجندي: "عمري ما عملت عمليات تجميل.. واستنوني في فيلم ومسلسل جديد قريبا"

12-5-2020 | 01:35

نادية الجندى

 

سارة إمبابى

نفضت الفنانة نادية الجندي عباءة الجدل والشائعات حول لجوئها ل عمليات تجميل قائلة "عمري في حياتي ما عملت عملية تجميل واحدة، وهاتوا أي صور قديمة لي، وبتوع السوشيال ميديا بيعملوا كده، بيجيبوا صور الفنانات قبل وبعد، وبقول لهم هاتوا صوري القديمة والجديدة وشوفوا من بدايتي حتى الآن بصوا على مناخيري وبقي وعيني هتلاقوني زي مانا".


وتابعت في حوار عبر تطبيق "زووم" عبر برنامج "القاهرة الآن" المذاع على فضائية العربية الحدث، الذي تقدمه الإعلامية لميس الحديدي "أنا بخاف جداً من العمليات دي لأن دي ملامحي اللي اتعودت عليها وأنا نجحت بملامحي ومش هغيرها، اللي بعمله باخد فيتامينات وكريمات للوش والبوتوكس بس"، وتابعت قائلة "عمري ما نفخت شفايفي وبقي زي ماهوا".

وكشفت الجندي عن محاولة سابقة لها في شبابها لإجراء عملية تجميل لمنخارها، قائلة "رحت لدكتور زمان وقلتله إعملي شفايفي بالشكل الفرنساوي، رسمهالي وورهاني وقال لي شفتي شكلك الأصلي حلو إزاي؟ الشكل الأصلي هوا الي عاملك الكاريكتر، وسبت مناخيري زي ماهي ونزلت، صحيح هي طويلة شوية بس هي شخصيتي".

وفي نهاية حوارها كشفت الجندي، أنها لديها مشروعين لفيلم سينمائي إنتاج محمد مختار، ومسلسل درامي جديد، وتابعت قائلة "خلاص ماعدتش هغيب بالخمس سنوات نفسي اتفتحت للشغل وموجودة معاكم كل سنة".

الأكثر قراءة

مادة إعلانية

[x]