حلمي بكر: "حمو بيكا عرض علي فلوس.. ولو غيرت أسلوبي هعمل كتير"

11-5-2020 | 20:25

الفنان حلمى بكر

 

راندا رضا

علق الفنان حلمى بكر على ظهور بعض المطربين من فئة "الشعبى"، والذين يروجون لأغانى المهرجانات، قائلا، "فيه مغنيين كتير نفسي أقعدهم فى البيت بس لو قلت اسم حد منهم هشهره وهنجحه وهخليه يرفع أجره، المطلوب من المطربين "القبول والذكاء والإدارة".


وقال حلمى بكر في برنامج " شيخ الحارة " مع إيناس الدغيدى، تعليقا على رغبة حمو بيكا فى أن يلحن له، "هو عرض علي وأنا رفضت.. ربنا يوفقه.. المسيرة ماشية والطابور طويل.. فيه مطربين نجحوا بالضجة.. يعنى مثلا أنا بحب صوت شيبة ورضا البحراوي وبيعبروا عن الشعبية".

وتابع بكر، "بيكا عرض علي فلوس بس أنا مش هفيده.. كان فى نظام اتعمل زمان فى نقابة الموسيقيين بالنسبة للمنتسبين، ولكن النقابة بدأت تتصدى لهم، وأنا أرفض شعبة الغناء الشعبى، فهل الحرامى له شعبة؟".

وعلق بكر على وجود مغنى شعبى مثل سعد الصغير قائلا، "زمان كان فيه شكوكو وإسماعيل ياسين ماتخرجوش من معاهد، بس كانوا موهوبين، وثقفوا نفسهم بنفسهم، وهو ما ينطبق على سعد الصغير، واللى قبلته لأن لديه قبولا ودمه خفيف والأفراح كلها بتطلبه دلوقتى".

وفى فقرة "سيرتك على كل لسان"، قال بكر، "لا أمتلك ثروة، ولو غيرت أسلوبى هعمل فلوس قد كده، ماقدرش أساعد المغنيين دول، طالما الأساس مش كويس، ووقفت جنب أصوات كتيرة موجودة دلوقتى، بس مش كل من هب ودب هقوله وهقف جنبه".

الأكثر قراءة

مادة إعلانية

[x]