«ميدو» ينتقد تصريحات أحمد السيد عن مفاوضات الزمالك

22-4-2020 | 14:35

أحمد حسام ميدو

 

أحمد ناجي

علق أحمد حسام « ميدو » لاعب ومدرب الزمالك السابق، على تصريحات أحمد السيد مدافع الأهلي السابق عن مفاوضات القلعة البيضاء معه.


وانتقد « ميدو » تصريحات أحمد السيد ، حيث نشر على حسابه الرسمي على موقع التواصل الاجتماعي «تويتر» سلسلة من التغريدات، جاءت على النحو التالي:

قال: «كمية لاعيبة كورة سابقين طلعوا كذبوا شوية كذب الفترة اللي فاتت في التليفزيون كأن الناس جالها الزهايمر أو يوتيوب وجوجل اتحذفوا!!».

وأضاف: «أرجو من السادة المقدمين لما يلاقوا حد بجح أوي وبيكذب عيني عينك إنهم يحرجوه بكلامه القديم والفيديوهات!! مش عيب على فكرة العيب إنك تبقى عارف إنه كذاب والمشاهد عارف إنه كذاب وتعدي الموضوع علشان الراجل جدع وجالك ضيف!! أو فريق الإعداد مش عايز يحرجه!!».

وتابع: «اللاعيبه قالت أي كلام وأنا بصحى أشوف وعادي مابفتحش بوقي لكن بصراحة انفجرت دلوقتي لما قرأت أن أحمد السيد قال إن الزمالك فاوضه مرتين وهو رفض وجه مع دموع السعادة».

ولفت: «اللاعيبه مابتفرقش ما بين أن وكيل عرض عليك وما بين أن النادي عرض عليك رسميا.. شغلة الوكيل أنه يحاول ويحاول يمكن الموضوع يمشي ويبتدي يشبطك معاه لحد مايوديك المكان اللي هو عاوزه لو قدر!!».

وأردف: «من حق أي حد يقول رأيه في أي حد لكن الكذب العلني ده خاصة مع التكنولوجيا الحديثة غباء اجتماعي كبير جدا.. وتاني بقول إن عيب في حق أي مقدم يبقا عارف أن اللي مستضيفه ليكذب ومعاه دلائل إنه كذاب ومايقولوش حاجة!! برضوا ده غباء لإنك بتفقد قيمتك الحقيقية كمحاور!!».

واختتم: «على فكرة أنا بهزر في موضوع أحمد السيد .. أحمد كان لاعيب كويس جدًا ومجتهد ومخلص ودمه خفيف جدًا من الذ اللاعيبة اللي لعبت معاها في حياتي».



مادة إعلانية

[x]