تامر حسني يكشف السبب الرئيسي لرفضه تقديم حفل أون لاين

17-4-2020 | 00:12

الفنان تامر حسني

 

سارة إمبابى

كشف الفنان تامر حسني عن أسباب اعتذاره بشأن إقامة حفل اون لاين له حتى الآن .


وقال حسني عبر حسابه الخاص بموقع تبادل الصور والفيديوهات إنستجرام:" لكل حبايب قلبي الغاليين اللي بيطالبوا بحفله Online،أنا شايف كل طلباتكم وبجد إنتوا واحشني اكتر، أولًا: بالنسبه لاستكمال تصوير فيلم ( مش أنا )، أنا وقفت تصوير الفيلم من اول يوم حسيت فيه بخطر على الناس وقبل الحظر وقبل إعلان الدولة عن طلب عدم التجمعات فلا يمكن استكمال تصوير الفيلم حرصا على سلامة الجميع.

ثانيًا: أكيد اتعرض عليا حفلات Online من فتره بس الحقيقة أنا واخد عهد على نفسي في ظروفنا دي مش هعمل أي عمل فني ومش هغني إلا لو هيكون في فايده مجتمعيه ماديه ومعنويه، وحاليًا في مفاوضات على حفله Online هيتخصص فيها منا جميعًا ومن الرعاة الرسميين حصة كبيرة من التبرعات للأسر المتضررة من وباء كورونا ولأسر محدودي الدخل ".

وتابع حسنى:" أما عن الأوبريت العربي ( انت أقوى ) تشرفت بالاشتراك فيه عشان هو عمل قومي محترم وليه هدف إنساني كبير بخلاف رفع الروح المعنويه والإيجابيه ونشر الأمل من جديد ان العائد المادي كله سيذهب بالكامل لمتضرري وباء كورونا وجميع صناع العمل متبرعين بأجورهم بالكامل ولهم كامل الاحترام والتقدير وتشرفت بالعمل معاهم كلهم

وانتهي تامر قائلآ:"انتظروا الأوبريت العربي ( انت أقوى ) خلال أيام إن شاء الله... وربنا يحفظكم ويحفظنا جميعا".


التدوينه


التدوينه

مادة إعلانية

[x]