أديب عن مقيمي صلاة الجمعة: "هما دول السفهاء منا.. وهيضيعونا"

4-4-2020 | 01:45

الإعلامي عمرو أديب

 

مدحت عاصم

كشف الإعلامي عمرو أديب، أن وزارة الداخلية ألقت القبض على المسئول عن إقامة صلاة الجمعة في أحد مساجد حدائق أكتوبر بمحافظة الجيزة، معلقاً "هما دول السفهاء منا وهما دول اللى هيضيعونا، وأطالب الدولة بألا تتاخر لحظة فى التعامل بيد من حديد مع الناس دى لأنهم هيودونا فى ستين داهية كلنا، ألف واحد ممكن ينشروا الفيروس فى ملايين الناس".


وأضاف "أديب"، خلال برنامج الحكاية، المذاع عبر فضائية إم بى سى مصر، مفيش حد منا يتمنى أننا نوصل لمرحلة أننا نقتل الناس القريبة مننا، يعنى مثلا حضرتك تروح تتعدى، وأنت فاتح صدرك عشان أنت شاب وتقدر تستحمل، لكن والدتك مش هتقدر تستحمل المرض ده، يبقى أنت كدة هتقتل أمك، تخيل أنت هتعمل إيه، تخيل الجريمة اللي أنت هترتكبها، تخيل حجم الكارثة اللي هتعملها، مفيش مخلوق يقدر يستحمل حاجة زى دى، أرجوكم خدوا بالكم".

وأوضح أن الوضع فى الولايات المتحدة الأمريكية مأساوى، وأتمنى ألا نصل إلى تلك المرحلة الصعبة، معلقاً "الناس في أمريكا بدأوا يصنعوا 100 ألف كيس للموتى، عاملين حسابهم على أن فى عشرات الآلاف هيموتوا، الناس دلوقتى هناك بتشيل الموتى بالجرارات، يارب ما نوصل للمرحلة دى نهائيا".

الأكثر قراءة

[x]