أديب: وضع الشارع المصري "غير مرضي" والناس لا تدرك خطورة الاستهتار

4-4-2020 | 02:57

عمرو أديب

 

سارة إمبابي

قال الإعلامى عمرو أديب ، إن الوضع فى الشارع غير مرض تماما، لأن الكثير من المواطنين غير مدركين ما يحدث في الدول المحيطة بنا من آثار فيروس كورونا ، معلقاً: "برة مصر بيفكروا مين هيكون قادر على إدارة المصانع أيا كان تخصصه عشان يقوم المصانع، هيكشفوا عليهم عشان يقدروا يعرفوا مين صحته هتخليه ينفع يعمل كده، والناس هنا بنقارن ببرة، أنت تعرف تعمل زى برة كمواطن؟، مستحيل".


وأضاف "أديب"، ببرنامج الحكاية، المذاع عبر فضائية إم بى سى مصر، أمريكا اللى هي أمريكا ، رئيسها طلع على الناس قالهم إنه في عشرات الآلاف الناس هتموت، بيتكلم بواقعية شديدة مع الناس لأنهم استهانوا في الأول بالفيروس، وبعدين أنت متخيل أن لو طلع مصل هيقولك هاتولي أول ناس بتوع سوق بشتيل نعالجهم، لا يا حبيبي انسي أنت متعرفش مين هيعمل فيك إيه صدقني.

وأردف متفهم جدا الناس اللى بتركب القطر وهو زحمة ولا المترو في وقت الذروة، ودي حسابات حساسة لأن دي ناس نازلة تسترزق، أنا بتكلم على اللى عاوز يودينا كلنا فداهية.

مادة إعلانية

[x]