حمو بيكا: ولو منعونا من الشارع مش هيقدروا يمنعوا السميعة

18-2-2020 | 07:24

حمو بيكا

 

كشف المطرب الشعبي حمو بيكا، عن طبيعة مرضه الذي أعلنه اليوم، عبر فيديو تم بثه على مواقع التواصل الاجتماعي، وقال "أنا عيان جداً وبعاني من ميكروب اسمه " كرونز" يتسبب في تآكل جدار المعدة والمرض ده بيجي من الزعل".


وأضاف " بيكا"، خلال مداخلة هاتفية مع الإعلامية لميس الحديدي، ببرنامج " القاهرة الآن"، المذاع عبر فضائية العربية الحدث، مش مبسوط وأغاني المهرجات لا يمكن منعها لأنه فن فرضه الشارع وحبوه، ودي مزيكا الناس حبتها، متسائلاً: " ليه ما بتمنعوش حفلات الكباريهات؟، معقولة مهرجاناتنا هي اللي عملت كل ده في المجتمع؟"، وفيه تجاوزات كثيرة داخل الكباريهات، مشيراً إلى أنه حاول التوجه للنقابة برفقة زملائه لكنهم رافضين ده تماماً وشايفين أن ده مش فن ومش معترفين بيه".

وأردف بالنسبة للألفاظ الخارجة قلنا لهم لما تاخدونا تحت رايتكم، سنشعر بالرقابة، وسنتوقف عن تقديم الفن الخارج، وهنقدم فن نظيف لكن دي مزيكتنا استحالة تتغير بلاش العداوة، اللي بنغنيها للأفراح مش عشان رزق وأكل عيش بس، لكن عشان نسعد الناس، وزعلان من حسن شاكوش لأنه ماوفقش معانا رغم أنه لسه جديد في مجال المهرجانات وعشان مانضحكش على نفسنا النقابة عاوزة تمحي فن المهرجانات ولو منعونا من الشارع مش هيقدروا يمنعوا السميعة".

مادة إعلانية

[x]