خالد أبو بكر يعرض 17 دعوة للإخوان فشلت جميعها فى الحشد

25-1-2020 | 22:46

خالد أبو بكر

 

راندا رضا

عرض خالد أبو بكر خلال برنامجه "كل يوم" المذاع على قناة الحياة 17 دعوة للإخوان فشلت جميعها فى الحشد.


وتابع خالد أبو بكر: "15 يوليو 2013 المطالبة بعودة المعزول مرسى، ويوم 30 أغسطس 2013 بعد فض رابعة بأسبوعين رفعت شعار أيام الحسم، وفى 19 سبتمبر 2013 بشعار حرائر مصر بعد القبض على فتيات إخوانيات، ويوم 6 أكتوبر 2013 دعا الإخوان التظاهر لإفساد احتفالات انتصارات أكتوبر، ويوم 30 نوفمبر 2013 تظاهرات حرائر مصر أقوى، ويوم 22 يناير 2014 دعوى فاشلة جديدة لتظاهر كان مصيرها الفشل، ويوم 25 يناير 2014 الدعوة لأسبوع رابعة أيقونة الثورة دون استجابة، ويوم يونيو 2014 حاولت الجماعة التظاهر فى الذكرى الأولى لثورة 30 يونيو، ويوم 28 نومفبر 2014 جمعة رفع المصاحف دعوة من الجبهة السلفية وفشلت، ويوم 21 يوليو 2015 دعوة للاحتجاج أمام السفارات المصرية بالخارج، ويوم 14 أغسطس 2015 فى ذكرى فض اعتصام رابعة الإرهابى ولم يستجب لها أحد، وأغسطس 2016 حرضت قيادات الإرهاب دعوى باسم عصيان الفواتير لرفض دفع فواتير الكهرباء، ويوم 11 نوفمبر 2016 دعوة لثورة الغلابة عقب تحرير سعر الصرف، ويوم 12 سبتمبر 2016 دعوة لتظاهر بعد التحفظ على قيادات الجماعة، ويوم 27 فبراير 2019 دعوة اطمن أنت مش لوحدك التى أطلقها مذيع الإخوان معتز مطر، يوم 20 سبتمبر 2019 دعا المقاول الهارب محمد على المصريين التظاهر وفشلت، واليوم 25 يناير 2020، فشلت".

وسخر خالد أبو بكر من دعوات الجماعة الإرهابية، قائلا :"الملايين فى الشارع.. شغالين ليهم 3 شهور وصارفين كتير جدا.. ومطلعش الأراجوز بتعهم محمد علي يلقى بيان ليه.. أنت فين يابرنس.. ولكن اليوم مصر بها ثورة عمل وإيمان.. والإخون وتركيا جابو الواد الأراجوز عشان يقول الناس هتعمل.. ولحد النهاردة 17 دعوى من 30 يونيو ولا واحدة تم الاستجابة ليها.. لأن البلد مؤمنة اللى بيحصل فيها.. والمصريين بعد 2011 عندهم إرادة وعنهم على بلدهم.. واليوم الرقابة الحقيقة من الشعب".

أوضح أبو بكر : "شوفوا من 30 يونيو حصل إيه من الجماعات الإرهابية.. إرهاب وسياحة اضربت واغتيال النائب العام وحرب غير طبيعية.. ومع ذلك مصر تعمل وتنتج ولن ينفع معنا أى حاجة.. وقبل كده 16 مرة راهنوا على بلدهم وفضلوا يلدهم.. وخلاص بقى عاوزين نشتغل.. وعاوز اعرف الضابط اللى بيشغل محمد على لازم يترفد أنت بتلعب مع مصر.. والقيادات التركية بتدفع كام للى بتعلفوا فيهم دول.. ياجماعة عاوزين لعيبة عشان تعرفوا تلعبوا مع مصر".

[x]