منة شلبي:" شكرا لكل اللي خلوني بطلة لأحلامهم"

22-11-2019 | 00:42

النجمة منة شلبي

 

سارة امبابى

علقت النجمة منة شلبي على تكريمها مساء أمس الأربعاء، بحفل افتتاح مهرجان القاهرة السينمائي بدورته ال41، وحصولها على جائزة فاتن حمامة التقديرية.


ونشرت منة منذ قليل ، صورة لها أثناء الحفل التكريمي عبر حسابها الشخصي علي موقع تبادل الصور والفيديوهات انستجرام.

وعلقت عليها قائلة: "شكرا مهرجان القاهرة السينمائي على التكريم العظيم والجائزة المهمة جدًا جدًا في مشواري.

وتابعت:"هفضل على طول أقول إني فخورة بانتمائي لصناعة السينما اللي بتعلمنا نحس ونحب ونضحك ويبقى عندنا مشاعر.. شكرا لكل المخرجين اللي اشتغلت معاهم وصدقوا فيا وخلوني بطلة لأحلامهم"

وأضافت: "شكرا لإدارة المهرجان تاني على اختياركم لهند إنها تقدملي الجايزة.. اتنين اتنين أصحاب أصحاب بجد، شكرًا لزمايلي وأصحابي الحلوين على فرحتهم بيا ووقوفهم جنبي.. حب كتير لكل حد باركلي وآسفة إني مش لاحقة أرد عليكم كلكم.. بحبكم واحد واحد وواحدة واحدة". ⠀

كما أهدت الجائزة لوالدتها الفنانة المعتزلة زيزي مصطفى قائلة :"وأخيرا وليس آخرا بهدي الجايزة دي لأمي اللي أنا بنجح بيها وعشانها وليها".


التدوينه

مادة إعلانية

[x]