«جوزي زي الفل».. رامي جمال يرد على رسالة زوجته

13-11-2019 | 22:23

رامي جمال

 

سارة امبابى

دعمت ناريمان، زوجة الفنان رامي جمال بعد إصابته بالبهاق حيث نشرت صورة برفقة زوجها علي حسابها الشخصي عبر موقع تبادل الصور و الفيديوهات « انستجرام ».


وعلقت ناريمان، على الصورة قائلة: «روح قلبي وأغلي حاجة في حياتي جوزي وسندي وصاحبي وحبيبي اللي عدينا سوا أصعب المواقف وقدرنا نعديها، واحنا بنسند بعض كل ابتلاء بيتعدي.. عارفه إنك قده وكنت بشوفك قد ايه مؤمن وراضي كنت بتديني 100 درس في الإيمان بقضاء ربنا وبرضاك ديما وبكلمة الحمدالله».

وتابعت: «بالنسبة للناس الي بتبعتلي اني واقفه جنبه والتعليقات الي شبه دي ومشكورين طبعا جدا عليها بس هو اصلا مفيش حاجة الراجل زي الفل وزي القمر وانا ليا الشرف انه اخترني اكون جنبه واتشرف بيه بناجحه وشكرا ليكو ولحبكوا ودعمكوا الي فرق جدا وكان سبب في ان رامي يعدي فترة الإحباط اللي كان بيمر بيها انتو لازم يتقلكوا شكرا».

ومن جانبه، رد الفنان رامي جمال  علي التعليق قائلا: «أنا قلت كتير في حقك قبل كده بس المرة دي هكتفي باني اقولهم إنك بنت أصول».

كان المطرب  رامي جمال  أعلن إصابته ب  مرض البهاق  ، بعد ظهور بقع بيضاء اللون بمناطق بجسده، وذلك خلال حسابه الشخصي على موقع تبادل الصور والفيديوهات انستجرام قائلا: «الحمد لله الذي أحبني فابتلاني وقدرني على الصبر.. من فترة ظهرت بقع بيضاء في جسمي وبالكشف عرفت إنه  مرض البهاق  ، وجربت أنواع علاج كتير ودكاترة كتير ومفيش فايدة».

[x]