"هما عايزنها فوضى" لمحمد رمضان تتخطى المليون مشاهدة على "يوتيوب" | فيديو

26-9-2019 | 17:16

هما عايزنها فوضى لـ محمد رمضان

 

سارة إمبابي

طرح الفنان محمد رمضان ، فيديو كليب أغنية جديدة بعنوان " هما عايزنها فوضى " عبر القناة الرسمية الخاصة به على موقع يوتيوب .

وحققت الأغنية نجاحا كبيرا جدا؛ حيث اقترب الفيديو من كسر حاجز المليون مشاهدة، منذ وقت طرحها.

وجاءت كلمات الأغنية التي يدعم فيها الاستقرار، وعدم الانسياق وراء رسائل العملاء التى لا تريد إلا نشر الفوض كالتالي:

"أولا أنت مش راجل

بعد ما هربت بعيد جاي تعمل فيها مناضل بالباطل

إزاي عايز تخطط لمستقبل شعب كامل

لو مشروع حياتك الوحيد اللي أنت عملته فاشل

تعرف إيه انت عن الشارع واللي بيحصل فيه

تعرف ايه عن الطفل اللي من صغره بيصرف عالبيت

تعرف ايه عن الغلبان اللي بيعرق لأجل الجنيه

أكيد مسمعتش صوت الشعب وانت جوه الكباريه

تعرف إيه عن الأصول وحق الملح والعيش

تعرف ايه عن الأمان اللي سببه الشرطه والجيش

اللي مالوش كبير بيشتري ده اللي اتربينا عليه

وده بينفي انتماء الشارع اللي بتدعيه

طب افترضنا إن كلامك ده بجد

لما نعض في بعض إزاي ده هجيبلك حق

استنى انت بتقول إنك مقاول

فطبيعي مش هتلاقي فرصه شغل غير لما الدنيا تتهد

البينة على من ادعي

لو اتفرقنا مين وراك هيبقى ليه منفعة

إبليس وإخوانه عايزينها مولعة

مصر جنة بيهابوها عشان أهلها متجمعة ..

هما عايزينها فوضى فوضى فوضى فوضى

مهما هيعلوا صوتهم لسه صوت الحق أوضح

عدى علينا كتير منكم على مر الأزمان

احنا مقبرة غزاة انتوا مجرد هواة

الخسيس الجبان ملوش وسطنا مكان

هنفكركم لو نسيتوا بلد الامن والامان

اللي اتذكرت في القرآن وبتعلى كل يوم بولادها

اللي منهم عالحدود واللي بيذاكر المنهج

الفلاح والصنايعي والظابط والأم في بيتها

مش اللي قرر إنه يبيعها ويهرب منها بعيد ويسيبها

الراجل اللي بجد لو ليه حق مش هيسيبه

لو هرب آخر الدنيا لازم يرجع ويجيبه

عذرا على التشبيه بالنسبالنا التخريف

زي أي فيديو ليك مفيش عاقل عايز يعيده

هما عايزينها متدمرة

بالنسبالنا وطن بالنسبالهم مستعمرة

بالعدل والسلام هنتحرك لقدام

مستحيل نرجع خطوة تاني ورا

هما عايزينها فوضى فوضى فوضى فوضى

مهما هيعلوا صوتهم لسه صوت الحق أوضح".


محمد رمضان - كليب هما عايزينها فوضى