منسي "فوق الرأس" وعشماوي "عاوزين نحاسبه" و"معركة الوعي".. 10 رسائل للرئيس اليوم | صور

11-10-2018 | 16:27

الندوة التثقيفية الـ29 للقوات المسلحة

 

مها سالم

وجه الرئيس عبدالفتاح السيسي، خلال كلمته، اليوم، بالندوة التاسعة والعشرين التي نظمتها إدارة الشئون المعنوية، في احتفال القوات المسلحة بمرور ٤٥ عامًا على نصر أكتوبر، عددًا من الرسائل.

* معركة من أجل الوعي:

تناول الرئيس أهمية معركة الوعي التي تعد أهم تحد يواجه الوطن قائلًا: "احشدوا الفهم والوعي هي دي القضية، الفرق بين الإيمان وعدم الإيمان، إن الإيمان بيتأسس على الفهم الحقيقي لكن المشوشين مش بيآمنوا".

* منسي نشيله في دماغنا وعشماوي عايزينه علشان نحاسبه:

الفرق بين الإرهابي هشام عشماوي، والشهيد أحمد منسي الاتنين كانوا في نفس الوحدة واحد منهم اتلخبط وممكن يكون خان، والتاني استمر على العهد: ده قدم حياته وبنسقفله ونبصله ونملي عنينا منه، والتاني عايزينه علشان نحاسبه".

- القيادة بعد ٦٧ كانت مضغوطة لعدم اكتمال الصورة لدي الناس وهذا هو التحدي الأكبر: "مقارنة القوات بين مصر وإسرائيل في حرب أكتوبر، لم تكن لصالح الجيش المصري، إلا أننا تمكنا من تحقيق النصر، ومع ذلك يرى البعض أن ما حدث ليس إنجازًا، هو لما تبقى ماشي بعربية مرسيدس وأنا بعربية سيات، وأقدر أسبقك أو حتى أحصلك ماتقوليش برافو".

- "أفراد الجيش المصري في حرب أكتوبر كانوا رجالًا"

- "إذا كنا نستلهم روح أكتوبر الآن، إلا أن المعركة لم تنته، ولكن تغيرت الأدوات والوسائل: الكلام ده للجيش والشرطة والشباب، ها هنتخلى عنها ولا نقف معاها؟".

* شهادة رسمية.. لم نمتلك في أكتوبر ٧٣ قدرات لتطوير الهجوم بعد١٥ كم.

- "فيه ناس سألونا ماكملتوش ليه لحد خط الحدود، بس إحنا كدولة قدراتنا ماكانتش أكبر من كدا" - "لازم تعرفوا الجيش المصري نزل ينتحر من أجل كرامتك، الكلام ده الناس لازم تدرسه وتتعلمه علشان تعرف يعني إيه دولة والحسابات بتكون إزاي" - "أسر الضحايا الإسرائيليين اللي سقطوا كانوا بالآلاف، وبالتالي ده بالنسبة لهم أمر غير مستعدين لتكراره".

* الجيش قادر يكرر انتصاره:

 - "لو الجيش المصري عملها مرة، فهو قادر يعملها كل مرة، علشان كدا كان السلام مع مصر قرار إستراتيجي، قالوا نعمل سلام مع مصر ونديها أرضها ونقفل الباب علشان الخسائر ما تتكررش".

- "انتوا طبعًا مشوفتوش المصابين لكن كان في ناس كتير معاقين، قعدوا خلال الـ50 سنة الماضية يرحلوا واحد تلو الآخر".

* العدو ما زال موجودا لكنه غير وجهه:

- "بقول الكلام دا دلوقتي لأن المعركة منتهتش، مازالت موجودة بمفردات مختلفة". - "الأول العدو كان واضحًا لكن دلوقتي لا بقى معانا وجوانا واستطاعوا بالفكر إنشاء عدو داخلنا، يعيش بقتلنا ويبني نفسه بهدمنا".

- "الوعي المزيف أو المنقوص هو العدو الحقيقي، اللي كتير بيعاني منه على مستوى ناس أكبر من النخب والمثقفين والإعلاميين، عليهم أن يدركوا الصورة الكلية للواقع الذي نعيش فيه".

- "السادات كان صاحب قرار كبير نقدره حتى الآن، والتاريخ يذكره دائمًا، لأنه أخذ القرار في ظل مقارنة قوات ليست في صالحنا". - "في مقال للكاتب الراحل العظيم محمد حسنين هيكل، بيتكلم عن تحديات العبور، تضمن تفاصيل كثيرة عن قدرة خط بارليف في منع عبور أي قوات مصرية، الأمر احتاج قنبلة ذرية لكن إحنا معندناش قنبلة ذرية".

- "فكرة المهندس باقي زكي يوسف، بتحطيم خط باريف باستخدام مضخات المياه، لم تنفذها القوات المسلحة بشكل مباشر، ولكنها اختبرتها أكثر من مرة لضمان فعاليتها وحتى لا تبقى مجرد فكرة".

* عدونا الوعي المنقوص المزيف:

- "اخترت أن أتحدث معكم كإنسان وليس كرئيس دولة". - "أنا من الجيل اللي عاش المرحلتين وفاكرهم بدقة شديدة، علشان كدا ماحضرتش كلمة، أنا هتكلم كإنسان".

- "فيه كلام لما بيتقال محتاجين نعيشه، أنا عشت تجربة هزيمة 67، فاكر كل التفاصيل، كل مقال اتكتب، ومرارة الهزيمة اللي عاشتها مصر، ودلوقتي إحنا عايشين معركة ليها مرارة".

- "لم نكن استكملنا استعدادات الحرب، وكان بيتم السخرية من الدولة المصرية وإمكاناتها، وكنا بنطلع نكت".

- "مطلوب نفهم ونصبر ونبني ونعمر، كل ماتبقى زعلان ابني أكتر، وكل ما حد يضايقك ابني أكتر، اقرأ، وتعلم، وافهم يعني إيه دولة، مش أمامنا غير العمل والصبر".

- " كلموا الناس وقولوهم الحكاية إيه، الحكاية كبيرة جدًا مش هتتحل إلا بالإرادة والعمل والصبر، غير كده نبقى بنضحك عليكم". *"أنا قولتلكم صحيح هتشوفوا دولة تانية في 2020، وهوريكم بفضل الله دولة تانية في 30 يونيو 2020".

- كل ما نعمله أو نبنيه لو لم يكن هناك وعي بين المصريين هايضيع بسهولة. * "أنا مش عايز أغلي الأسعار بس هي الحكاية كده هي الدنيا ماشية كدا".

* ٢٠١١ علاج خاطئ لتشخيص خاطئ:

- هقولكم كلمة دايما أقول ٢٠١١ هو علاج خاطئ لتشخيص خاطئ".

* مفهوم الدولة:

 أوجه حديث للجيش، للشرطة، لأجهزة الدولة، للجامعات، لشباب مصر، المعركة لم تنته لكن تغيرت الوسائل والأدوات.

- "قدموا للناس صورة على أن الأمور بتتغير، يعني نشيل ده ونجيب ده، خلاص معاه عصاية سحرية موجودة تحل المسائل".

* ظروفنا الاقتصادية صعبة وليس لدينا غير العمل والعمل والصبر:

- التحدي في عددنا اللي يتحاوز ١٠٠ مليون نسمة وهايتضاعف في ٣٠سنة.

- محتاجين دعم ٧٧ مليار جنيه للكهرباء -لتر السولار بيتكلف ٩جنيهات ويباع ب٥.٥ جنيه - "أنا متابع مصر حتة حتة بكل تفاصيلها وكل ظروفها علشان لما أتكلم يكون عندي الإرادة للقرار اللي أخده علشان مدخلش مصر في الحيط".

* احشدوا الوعي والفهم:

- "أكثر مرة أتحدث معكم بكل الصدق الذي أعتقده، الصدق بتاع ربناوممكن أكون فاهم غلط".

 - "حشد الناس يتطلب معرفة التفاصيل والواقع الحقيقي.


الندوة التثقيفية الـ29 للقوات المسلحة


الندوة التثقيفية الـ29 للقوات المسلحة


الندوة التثقيفية الـ29 للقوات المسلحة


الندوة التثقيفية الـ29 للقوات المسلحة


الندوة التثقيفية الـ29 للقوات المسلحة


الندوة التثقيفية الـ29 للقوات المسلحة


الندوة التثقيفية الـ29 للقوات المسلحة


الندوة التثقيفية الـ29 للقوات المسلحة