مشوار للبقال
موضوعات مقترحة
فارد ايديا
حاضن الشارع
أدفع كل اللى معايا
وأنا راجع
تطلع جيوبي بره البنطلون
ويطير معايا الكيس في الهوا
يأخدني لفوق كأنه مليان هيليوم.
أناعامل فيها بأحلم.
وهى ماشيه
بالطول والعرض
أنا عمري ما بعت،
دي معروفة..
لكن لحظة مالمست الأرض
اكتشفت ان عمري ما اشتريت.
وان الشرا موهبه.
يعنى لازم تفهم في البيع
قد ما تشتري.
أعداءك بيبقوا أقوياء
بالأخطاء اللى بتهديها لهم.
وانت بتبقى مجرد انسان طيب
قاعد جنب الحيط.