دراويش

14-5-2017 | 08:19

 

أنا نُصين ميتشابهوش
في نص انا فاكره منستهوش
ونص تملي ينساني

وانا بكدب وانا الجاني
لأني بقيت واحد تاني
بدور فيا وبعاني
وانا في الأصل مقابلتوش

متكرهنيش..
وتيجي تقولي شخصية
غريبة تشوفني وهمية
وأنا والله مخترتش
أدوب فيكي
وبتأمل
وثانية كدبي انا يكمل

وأقول عايش وانا معييش
يدوب إحساس ومخبيش
وطيبتي تقولي اتحمل

ما دام اخترت تبقي طبيب
اداوي الناس ودمعي يسيب
حاجات ياما بترفضني
وتكرهني
وأنا مبقاش وإيه يعني
ومين اخترته وخدعني

وشوش الناس
بقت دراويش

اقرأ ايضا:

الأكثر قراءة

مادة إعلانية

[x]