"موسيقى الحياة"
موضوعات مقترحة
(إلى أمي)
وبتقولِّى دايما:
من بعدى مش ح تلاقى حدود.
ياترى ح يحصل ايه بعدِك؟
أقول: ماشاء الله
دلوقتى متربعة فى قلبى.
زى عبارة بتريحك لما ترجعلها.
أغنية تنعشك لما ترددها.
هُدى: حلم يجيلك يروق بالك.
يحطك على أعتاب الصبح..
شُحنات فُل..
مع نبضات قلبي..
أتنطط زي دقات المطر،
من السرير للشوارع
متطمن..
متجرأ،
بأكلم الدنيا من غير خوف،
من غير ما تخضنى تشوهات الناس.
واليوم قد فركة كعب..
يسيب فى قميصى ريحة عرق
وعلى بابى ورقة شجر.
ما هو لازم يفوت..
أسند راسى على حافة الشباك.
البيوت ريحة نوم
والليل هدوء طويل،
مزيكا زي ناي