• رئيس مجلس الإدارة : عبدالمحسن سلامة
  • رئيس التحرير: محمد إبراهيم الدسوقي
اخر الأخبار

إيمان أحمد تكتب عن أمها: "الست الجميلة دي دايمًا في ضهري سانداني لو وقعت"

20-3-2017 | 22:46990

إيمان أحمد تكتب عن أمها: "الست الجميلة دي دايمًا في ضهري سانداني لو وقعت"

20-3-2017 | 22:46990
20-3-2017 | 22:46990طباعة

إيمان أحمد مدربة تربية خاصة

الست الجميلة دي كانت دايمًا في ضهري وتشجعني على أي قرار عايزة أعمله دايمًا محسساني أنها ورايا هاتمسكني لو وقعت.. كل مشكلة عندها ليها حل.. أحلى مافيها أنها بتسمعني حلو وبتقدملي حلول عشان أعمل إللي نفسي فيه، سواء دراسة أو شغل أو تقديم في خطوة جديدة والحلول دي بتبقى دعوة حلوة أو حضن أو بوسة وطبطبة أو ماديات وإن كانت متواضعة منها لكن باحس أنها فيها بركة الدنيا وأنها هتعمل الهوايل.



أمي عمرها ماحسستنى أنا أو أخواتي أنها محتاجة تروح مشوار أو انتوا ليه ماجيتوش عشان ماتحسسناش بأي تأنيب ودايما بتقول كفاية عليكوا بيتكوا الله يعينكوا على الولاد.

الست الجميلة دي دايمًا بتبر بابا الله يرحمه في دعوة أو تحكي العشرة الطيبة معاه لأولادنا ودايمًا توصيهم يدعو لها ويدعو له دايمًا وما ينسوهاش.

حب ولادى ليها ترمومتر نظيف وحساس لمشاعرها ناحيتهم.. الست الجميلة دي أحلى مافيا وأحلى ما في البيت حتى لو نايمة بابقى مطمنة أنها معانا .. الله يديمها نعمة لينا ويبارك في عمرها ويقدرنا على برها دايمًا.

إيمان أحمد مدربة تربية خاصة

#

إيمان أحمد تكتب عن أمها: "الست الجميلة دي دايمًا في ضهري سانداني لو وقعت"