Close ad

بعد المحاكمة.. تعليقات ساخرة على "مناخير مبارك" تغزو موقعي فيسبوك وتويتر

3-8-2011 | 21:1913402

بعد المحاكمة.. تعليقات ساخرة على "مناخير مبارك" تغزو موقعي فيسبوك وتويتر

هبة عبدالستار
3-8-2011 | 21:1913402
3-8-2011 | 21:1913402طباعة

سيظل المصريون دائما يدهشون العالم وأنفسهم بروح الدعابة التى يتمتعون بها، وبعيدا عن تفاصيل المحاكمة التاريخية للرئيس السابق حسني مبارك، ركز المصريون هذه المرة مع مبارك وهو يعبث بأنفه أثناء مثوله فى قفص الاتهام وسلطوا الأضواء على هذا المشهد، وأصبحت "مناخير مبارك" حديث الساعة في موقعى "فيسبوك" وتويتر. وانفجرت موجات من "الألش" والسخرية من مبارك.

وتم تدشين عشرات الصفحات التى حملت أسماء عدة، منها على سبيل المثال لا الحصر" حسني مبارك رئيس جمهورية سابقا وبيلعب في مناخيره حاليا"، "مناخير مبارك"، "حملة تنظيف مناخير الريس"، "مناخير مبارك أول مناخير فى التاريخ خلف القضبان"، "مبارك بيلعب فى مناخيره خلف القضبان"، "مبارك وهو يلعب فى مناخيره انشرها بقدر كرهك لمبارك"، "الراجل اللى نايم فى القفص وبيلعب فى مناخيره"، "الراجل اللى كان صباعه فى مناخيره جوا القفص" وغيرها من الصفحات الأخرى التى استخدمها المصريون لينتقدوا من خلالها ما اعتبروه لا مبالاة وغرورا مبالغا فيه من رئيس دولة يواجه تهما بقتل شعبه وإفساد بلاده.

كما انتقدوا أيضا التناقض حول حالته الصحية والتى بدت لهم جيدة مع التسريبات الإعلامية حول سوء وتدهور حالته الصحية وإصابته بالاكتئاب والتى سبقت محاكمته، معتبرين تلك التسريبات مخططا متعمدا لتعطيل المحاكمة وإفشالها بعد أن جعلتهم يفقدون الأمل فى محاكمة مبارك، إلا أن اليوم بعد أن شهدوا محاكمته وهو ماثل فى قفص الاتهام شكك بعضهم فى إمكانية مثوله مرة أخرى أمام هيئة المحكمة خصوصا بعد حضوره اليوم على سرير المستشفى والذى اعتبروه تمهيدا لعدم حضوره مستقبلا أى جلسات مقبلة.

كما استنكر المصريون عبر تلك الصفحات نقل مبارك للمركز الطبي العالمى بدلا من مستشفى طرة على الرغم من كونه بدا لهم بصحة جيدة وحالة نفسية ممتازة وهو داخل القفص أثناء محاكمته اليوم ومن أبرز التعليقات التى اشتملت عليها تلك الصفحات:
- الإعلام المصرى ده طلع كدااااب بشكل، فضلوا يقولوا لنا الراجل هيموت وعنده اكتئاب وقلبه وقف ومش عارف ايه ما مبارك اهو خدوده مورده وقاعد بيتسلى وبيلعب فى مناخيره كمان.
- مبارك عمال بيلعب فى مناخيره ولا همه التهم الموجهة ليه ولا المحاكمة وتلاقيه بيقول فى سره خليهم يتسلوا.
- حسنى ظهر على حقيقته كان عامل فيها بس عايش في شرم الشيخ وأول ما دخل القفص.. افتكر أيام الطفولة وقعد يلعب فى مناخيره.
- الشعب هيخرج مليونية وضع علب مناديل فى قفص الاتهام اللى هيكون فيه مبارك المرة الجاية حتى لايقوم بتنظيف أنفه بإصبعه.
- جايبينه على سرير المستشفى وقاعد يلعب فى مناخيره حتى مش عارف يمثل ويتمسكن كويس، وطبعا دى آخر مرة هنشوفه فى القفص، متعشموش نفسكوا قوى يا مصريين كفاية عليكم مرة واحدة.
- مسابقة شهر رمضان: مبارك فى المحاكمة كان حاطط صباعه فى مناخيره ليه؟؟؟؟؟ ترسل الإجابات على مكتب الأستاذ فريد الديب (المحامى) والجوائز عبارة عن كرتونة رمضان بتاعت القوات المسلحة.

وعلى تويتر لم يختلف الأمر كثيرا حيث انهالت تعليقات المصريين الساخرة من المشهد ومن أمثلتها:
- الشعب يريد اللعب فى مناخير المخلوع.
- المفروض الجلسة الجاية نجيب له حد يلعب له فى مناخيره عشان يا عينى ميجهدش قلبه الرجل مش مستحمل وصحته على قده ورجله والقبر زى ما كانوا بيقولوا، على الرغم انه النهارده رجع شباب 10 سنين.. طبعا مدلعينه فى شرم.
- واضح أن ﺍﻟﺼﺒﺎﻉ ﺑﻴﻠﻌﺐ ﺩﻭﺭ ﻣﻬﻢ ﺍﻭﻱ ﻓﻲ ﺍﻟﺜﻮﺭﺓ ﺩﻱ, ﻣﺮﺓ ﻣﻦ ﺍﻟﻔﻨﺠﺮﻱ ﻭ ﻣﺮﺓ ﻓﻲ ﻣﻨﺎﺧﻴﺮ ﻣﺒﺎﺭﻙ.
- وبعد اللى شفناه النهارده نقدر نقول ان الموقف التاريخى أكتر من المحاكمة النهاردة هو إن دى أول مرة شعب يشوف ما بداخل مناخير الحاكم.

بعد المحاكمة.. تعليقات ساخرة على "مناخير مبارك" تغزو موقعي فيسبوك وتويتر

أضف تعليق

ولو عنده 100 سنه

|

ولو بيزحف على بطنه ، ده ياما مسح بمناخير ناس ورجاله الأرض. لو حد من إللى شايفه غلبان كان اتسحله حد، ماكانش شافه إلا ورجع عليه. اتقو انتو ربنا فينا وخليكو ع الكنبه واسكتو زى ما سكتو سنيييييييين.

مبارك خاين

|

مبارك خاين حتى أكتوبر خدعة كبيرة والحقيقة انه مفروض يتحاكم على الضربة التانية اللى كان مفروض يطلعها وما لاغاها ومابلغش بيها والنتيجة موت ظباط وعساكر كان مفروض الطيران يحميها، هوه كان مشغول بعمولنه فى صفقة الطيارات مع فرنسا. أما الأهم هيه الساعة الرولكس المستفزة. ومش هايمسكن علينا

ارحموا من فى الارض

|

نفسى كل واحد يتخيل ان مبارك ده ابوه وغنده80 سنه هل ممكن يتسجن او يتعدم حرام الضرب فى الميت حرام حكموا الحاشيه القذره بس ارحموا شيبه الراجل ده لا بيسمع ولا بيهش ولا بينش ارحموا من فى الارض يرحمكم من فى السماء على فكره انا مصريه ونزلت الثوره وفاهمه شعوركم كل الفيها ان قلبى فى شويه رحمه ده ربنا بيرحم ازاى احنا منرحمش وشكرا

اصبروا ياأهل مصر

|

لو كل واحد بمصر يعد ببيته ويسكت البلد حتهدى.واستنوا المحاكمة التانية والله معكن ومع الحق وأنا مصرية أتمنى الجزاء العادل للجميع.

دلالات اللعب فى المناخير

|

1-هوه مش مصدق نفسه انه بيتحاكم وواضح انه قلقان فيلعب فى مناخيرة لطمأنه نفسه انه موجود 2- عرفنا دلوقتى سر تأخر مصر فبدلا من هرش الرئيس المخلوع الدماغ للتفكير يلعب فى مناخيره فتخرج المشاريع والخطط وفق المصدر الذى افرزها . 3- قرفان من ريحة الشعب . والله اعلم

المناخير لسة شغالة

|

ستكسر مناخير اى فاسد مدعى العنجهية

حسبى الله

|

حسبى الله على كل من اهدر دم الشهداء/من اعمالكم سلط عليكم

مناخير مبارك

|

الرحمه اين كانت عندهم انا بسببهم عايش ميت ومسن وبدون عمل من اللى عملوة فيه خدمت الكبير تلات سنوات حراسا خاصه والاخر اكثر من ذالك ولما اتظلمت وتم تبرءتى فى المحكمة العسكرية وذلك صعب طلبت حقوقىمنهم افترو عليه اوعو الشفاقه دول جبروت فى الارض وجعلهم الله ايه للظالمين

كلكوا بتلعبو بأنفكوا

|

كل العالم بيلعب بأنفه احيانا الانسان مش بيحس بنفسه وعلي فكرة دا راجل مريض يمكن تعبان منها ومين بالدنيا مش بيتعب كلكوا بتلعبوا بس لما بتشوفه حد بتتريقوا واصبروا لما المحكمة تحكم والمتهم برئ حت تثبت ادانته

قلة أدب

|

هؤلاء ناس غير متربية و فاضية و لا يمتون بالاسلام بصلة يروحوا يشتغلوا و ينتجوا بدل ما يخدو المصروف من بابا و ماما